|
бошқа қотилликлар, яъни яримқасддан, бехосдан ва бехосдансимон қилинган қотилликлар учун хун ҳақи ота томондан қариндошларга юклатилади. Абу Ҳурайра р.а. ривоят қилади:
«اقْتَتَلَتِ امْرَأَتَانِ مِنْ هُذَيْلٍ, فَرَمَتْ إِحْدَاهُمَا الْأُخْرَى بِحَجَرٍ فَقَتَلَتْهَا وَمَا فِي بَطْنِهَا, فَقَضَى النَّبِيُّ صَلَّى اللَّهم عَلَيْهِ وَسَلَّمَ أَنَّ دِيَةَ جَنِينِهَا عَبْدٌ أَوْ وَلِيدَةٌ, وَقَضَى بِدِيَةِ الْمَرْأَةِ عَلَى عَاقِلَتِهَا»
«Ҳузайллик икки аёл уришиб қолишди. Бири иккинчисига тош отиб, унинг ўзини ҳам, қорнидаги боласини ҳам ўлдириб қўйди. Пайғамбар с.а.в. ҳомиланинг хун ҳақини бир қул ёки чўри, деб ҳукм қилдилар. Аёлнинг хун ҳақини эса қотиланинг ота томондан қариндошларига юкладилар». Маълумки, тош билан ўлдириш яримқасддан қилинган қотилликка киради. Чунки тош кўпинча ўлдирмайдиган нарсалардан ҳисобланади.
Жобир р.а. ривоят қилади:
«أَنَّ امْرَأَتَيْنِ مِنْ هُذَيْلٍ قَتَلَتْ إِحْدَاهُمَا الْأُخْرَى, وَلِكُلِّ وَاحِدَةٍ مِنْهُمَا زَوْجٌ وَوَلَدٌ, فَجَعَلَ رَسُولُ اللَّهِ صَلَّى اللَّهم عَلَيْهِ وَسَلَّمَ دِيَةَ الْمَقْتُولَةِ عَلَى عَاقِلَةِ الْقَاتِلَةِ, وَبَرَّأَ زَوْجَهَا وَوَلَدَهَا, قَالَ: فَقَالَ عَاقِلَةُ الْمَقْتُولَةِ: مِيرَاثُهَا لَنَا, فَقَالَ: رَسُولُ اللَّهِ صَلَّى اللَّهم عَلَيْهِ وَسَلَّمَ لاَ, مِيرَاثُهَا لِزَوْجِهَا وَوَلَدِهَا»
«Ҳузайллик икки аёл уришиб қолиб, бири иккинчисини ўлдириб қўйди. Ҳар иккисининг ҳам эри ва боласи бор эди. Пайғамбар с.а.в. ўлдирилганнинг хун ҳақини қотиланинг ота томондан қариндошларига юкладилар. Эри ва болаларини эса бу ишдан озод қилдилар. Шунда ўлдирилганнинг ота томондан қариндошлари: «Унинг мероси бизга бўладими?» дейишган эди, Пайғамбар с.а.в.: «Йўқ, унинг мероси эри билан боласига бўлади», дедилар». «Пайғамбар с.а.в. бехосдан қилинган қотилликнинг хун ҳақини ота томондан қариндошлар зиммасига ҳукм қилдилар», деган саҳиҳ ҳадис ҳам бор. Бу ҳужжатлар бехосдан қилинган қотилликнинг хун ҳақини тўлаш ота томондан қариндошлар зиммасига юклатилишига далилдир. Бехосдансимон қилинган қотилликда ҳам шундай бўлади. Чунки у бехосдан қилинган қотилликнинг бир туридир.
135-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222